Оңайбай Көшеков атындағы Атырау аграрлы – техникалық колледжінде 2024 жылдың 1 қарашасында «Өрлеу» БАҰО АҚ филиалының Атырау облысы бойынша Кәсіби даму институтымен біріккен «Сабақ барысында жасанды интеллектіні қолдану» тақырыбында облыстық семинар өтті. Шараға облыс бойынша ТжКББ ағылшын тілі пәні оқытушылары қатысты.
Облыстық семинарды колледж директоры, т.ғ.д., профессор И.И.Джанзаков ашып, оқытушыларға сәттілік тіледі. Аталмыш шарада колледж ағылшын тілі пәні оқытушысы А.А.Айжарықовна өзінің шеберлік тәжірибесімен бөлісіп, жасанды интеллекттің сабақта қолданудың жаңа қырларын практика жүзінде көрсетті. Қатысушы оқытушылар топқа бөлініп, берілген тапсырмалар бойынша жұмыс жасап, ризашылықтарын білдірді.
Семинардың қорытынды бөлімінде «Өрлеу» БАҰО АҚ филиалының Атырау облысы бойынша Кәсіби даму институтының модераторы
Мая Салауатқызы сөз сөйлеп, колледж оқытушысы А.А.Аралбекованы облыстық Алғыс хатпен марапаттады. Қатысушы оқытушыларға Оңайбай Көшеков атындағы Атырау аграрлы – техникалық колледжінің сертификаты берілді. #Біртұтас_тәрбие_Атырау @bilimftyrau@adisteme_ortalik_atyrau #национальный центр повышения квалификации «Орлеу»
