Оңайбай Көшеков атындағы аграрлы-техникалық колледжде 1АУ1 тобының студенттерімен ҚР Президентінің 2025 жылғы 8 қыркүйектегі халыққа Жолдауын түсіндіруге арналған тәрбие сағаты өтті. Іс-шараға топ кураторы Бағдатқызы Жұлдыз, кітапхана меңгерушісі Бекбаулова Айгүл және кітапханашы Қуантаева Салтанат қатысты.
Тәрбие сағаты барысында Президент Жолдауындағы негізгі бағыттар – білім беру жүйесін дамыту, жастарды қолдау, ауыл шаруашылығы мен экономиканы жаңғырту мәселелері түсіндірілді. Студенттер Жолдауда көтерілген мәселелер бойынша ой бөлісіп, белсенділік танытты.
Кітапхана меңгерушісі Бекбаулова Айгүл өз сөзінде Жолдаудағы білім саласына қатысты бастамаларға тоқталып, жастардың сапалы білім алуы — ел болашағының кепілі екенін атап өтті. Ал кітапханашы Қуантаева Салтанат жастарды кітап оқуға, рухани дамуға және кітапхананы белсенді пайдалануға шақырды.
Іс-шара соңында студенттер колледж кітапханасына экскурсия жасап, кітап қоры, оқу залдары және электронды ресурстармен танысты. Кітапхана қызметкерлері кітаптарды іздеу, алу және пайдалану тәртібін түсіндіріп, қызықты әдебиеттерді ұсынды.
Бұл тәрбие сағаты студенттердің мемлекеттік маңызы бар құжатпен танысып, елдің даму бағытын түсінуіне, сондай-ақ кітапханаға деген қызығушылығын арттыруға зор ықпал етті.
