О. Көшеков атындағы аграрлы–техникалық колледж кітапханасында Қазақстан Республикасының Конституциясының 30 жылдығына орай «Ата Заң – елдігіміздің еңсесі» атты тәрбие сағаты өтті. Іс-шара 1тора2 оқу тобында Исаева Жұлдыз Түккенованың ұйымдастыруымен жүзеге асырылды.
Тәрбие сағатының мақсаты – Қазақстан Республикасының Конституциясы туралы терең мағлұмат беру, азаматтық жауапкершілік пен құқықтық сауаттылықты арттыру, патриоттық рухты тәрбиелеу, ұлттық құндылықты дәріптеу болды.
Іс-шара барысында колледж кітапханашыларының ұйымдастыруымен «Ата заңым – айбыным» тақырыбындағы кітап көрмесі қойылды. Онда студенттерге Ата Заң, адам құқықтары жөнінде түсінік беріліп, көрмеге қойылған кітаптарға шолу жасалды. Сонымен қатар, мансаптық өсуге байланысты пайдалы мәліметтер ұсынылды.