Оңайбай Көшеков (10.02.1925 — 08.09.2013 ) – қазақ кеңес партия және мемлекет қайраткері. Қазақстан коммунистік партисы Гурьев облыстық партия комитетінің бірінші хатшысы. КСРО Жоғарғы Кеңесінің және Қазақ КСР Жоғарғы Кеңесінің депутаты. Атырау облысы мен Атырау қаласының және Махамбет ауданының құрметті азаматы.Атырау облыстық соғыс және еңбек ардагерлері Кеңесінің мүшесі. Әскери дәрежесі полковник.
1943 жылдың ақпанында Оңайбай Көшеков Қызыл Армия қатарына алынды, Благовещенск қаласында әскери училищесін (Башкирская АССР), содан кейін кіші лейтенанттардың мектебін бітіріп, майданға аттанды. Ұлы Отан соғысындағы ерліктері үшін бірнеше мәрте мемлекеттік наградалармен марапатталды.
КСРО-ның Шекара әскерлері Бас штабының басшылығымен Грузияда – КСРО Мемлекеттік шекарасын қорғаудың Ахалцих шекара маңындағы бөлімшенің басшысы болып қызмет атқарды.
Қазақстан Республикасы Үкіметінің 2019 жылғы 24 қаңтардағы № 9 Қаулысы негізінде «Атырау аграрлы-техникалық колледжі» КМҚК Оңайбай Көшековтың есімімен аталады.