О.Көшеков атындағы Атырау аграрлы-техникалық колледжде мемлекет және қоғам қайраткері, ҰОС-ның ардагері, Атырау облысының Құрметті азаматы Оңайбай Көшековтің туғанына 100 жыл толуына орай техникалық-кәсіптік білім беру ұйымдарының оқытушылары мен қызметкерлері арасында Кіші аяқ добы және волейболдан облыстық турнирі өтті. Турнирдің салтанатты ашылуында колледж директоры И.И.Джанзаков және мерейтой иесінің ұлы Ә.О.Көшеков сөз сөйледі.
Волейболдан турнир қорытындысы бойынша жүлделі орындарды сәйкесінше О.Көшеков атындағы Атырау аграрлық-техникалық колледжі, “APEC PetroTechnic жоғары колледжі”, С.Мукашев атындағы Атырау политехникалық жоғарғы колледжі иеленді.
Кіші аяқ добынан турнир қорытындысы бойынша жүлделі орындарды сәйкесінше “APEC PetroTechnic жоғары колледжі”, «Каспий өңірінің көпсалалы жоғары колледжі», Атырау энергетика және құрылыс колледжі иеленді.
Жеңімпаздар кубоктармен, дипломдармен және бағалы сыйлықтармен марапатталды. Облыстық турнир бұқаралық ақпарат құралдарымен жарияланды. #Біртұтас_тәрбие_Атырау #Көшеков100жас
