О.Көшеков атындағы Атырау аграрлы-техникалық колледжінде 2024 жылдың 30 қарашасында мемлекет және қоғам қайраткері, ҰОС қатысушысы, Атырау облысының Құрметті азаматы Оңайбай Көшековтың 100 жылдығына арналған «AGROFORUM-2024» өтті.
Бағдарлама аясында пленарлық отырыс өткізілді. Аталмыш жиында ауыл шаруашылығында жаңа технологияларды пайдалану және аграрлық маркетинг әдістері бойынша шеберлік сыныптар ұсынылып, «Агротуризм» роуд-шоуы көрсетіліп, мансаптық өсу орталығы ашылды.
Сонымен қатар ауыл шаруашылығын цифрландырудың, егіншілік жұмыстарында жаңа технологиялармен тәжірибе алмасудың, инвестициялар таратудың өзекті мәселелері қаралды. Шара жалғасы жаңа технологиялық жабдықтар мен әдістемелерді таныстырумен және ауыл шаруашылығы өнімдерінің жәрмеңкесіне ұласты.
«AGROFORUM-2024» жиынына жергілікті жерлердің фермерлері, агрономдары, ғалымдар, мемлекеттік органдардың өкілдері, инвесторлар мен ауыл шаруашылығы техникасы мен тыңайтқыштарын өндірушілер және Оңайбай Көшековтың отбасы мүшелері және БАҚ өкілдері қатысты. #Біртұтас_тәрбие_Атырау_2024
