Оңайбай Көшеков атындағы Атырау аграрлы-техникалық колледжі бойынша 8-наурыз Халықаралық Әйелдер күніне арналған «Көктемнің шуақты мерекесі» тақырыпты салтанатты шара өткізілді.
Мерекелік алғашқы құттықтау сөзін колледж директоры, техника ғылымдарының докторы, профессор Джанзаков Ислам Исагалиевич бастады.
Колледж бойынша 60 жасқа толған әріптестер Аюпов А.К., Кереш Ш.С., Маразбаева О.С. мерей жас иегерлеріне колледж әкімшілігі мен кәсіподақ комитеті атынан естелік сыйлықтар табысталып, бірнеше әріптес-партия мүшелеріне «Аманат» партиясының облыстық және қалалық филиалдарының «Алғыс хаттары» табысталды. Ерекше нәтижеге қол жеткізген оқытушылар колледждің «Құрмет грамотасымен» марапатталды.
Шара соңы колледж ер азаматтары мен студенттердің мерекелік концертіне ұласып, салтанатты шараны өңірімізге танымал, сазгер, әнші «Орыс Адай» шығармашылық орталығының директоры Олег Атанасов пен оның ұлы Юрий Атанасов өз туындыларымен қорытындылады. Кеш соңында ер азаматтар колледждің әйелдер адамдарына естелік сыйлықтар ұсынды.
Осы аталған шараға колледждің Студенттік өзін-өзі басқару ұйымы мүшелері белсенді қатысып, әріптесіміз Ержанова А.Ғ. бастаған кәсіподақ ұйымы демеушілік жасады.
